၅း ၄း ၁း ၄။ ပဉ္စကနိပါတ်၊ စတုတ္ထပဏ္ဏာသ၊ သဒ္ဓမ္မဝဂ် ပဌမသဒ္ဓမ္မသမေ္မာသသုတ်လာ သာသနာကွယ်ကြောင်း ၅ ပါးနှင့် သာသနာတည်ကြောင်း ၅ ပါး

၅း ၄း ၁း ၄။ ပဉ္စကနိပါတ်၊ စတုတ္ထပဏ္ဏာသ၊ သဒ္ဓမ္မဝဂ်
ပဌမသဒ္ဓမ္မသမ္မောသသုတ်လာ
သာသနာကွယ်ကြောင်း ၅ ပါးနှင့်
သာသနာတည်ကြောင်း ၅ ပါး

မနာ-မသင်၊ မဆောင်ချင်၊
မဆင် မကျင့်ပေ။
သာသနာကွယ်ရန်၊ ဤငါးတန်၊
မှတ်ရန် ပထမေ။

နားကြား-စာသင်၊ ဆောင်ထားချင်၊
ဆင်ခြင် ကျင့်တတ်ပေ။
သာသနာတည်ရန်၊ ဤငါးတန်၊
မှတ်ရန် ပထမေ။

ပဌမသဒ္ဓမ္မသမ္မောသသုတ်
(က) အင်္ဂုတ္တိုရ်လာ၊ သာသနာကွယ်ကြောင်း၊
တရားပေါင်းကား၊
တရားမနာ၊ စာပေမသင်၊
နှုတ်တွင်မဆောင်၊ သိအောင်မမှတ်၊
ပဋိပတ်ကွာ၊ ဤငါးဖြာတည်း။

ဒုတိယသဒ္ဓမ္မသမ္မောသသုတ်
(ခ) နောက်လာထို့ပြင်၊ စာသင်ပယ်လျှော၊
ကျယ်မဟောကြ၊ ကျယ်မချနှင့်၊
ကျယ်စွာမအံ၊ မကြံမစည်၊
ဤငါးမည်တည်း။

တတိယသဒ္ဓမ္မသမ္မောသသုတ်
(ဂ) ဝါ တနည်းမှာ၊ အက္ခရာပုဒ်ပျက်၊
လေ့ကျက်သင်ကြ၊ ဆုံးမမယူ၊
စာချသူရှား၊ လာဘ်များအောင်ကြံ၊
ခိုက်ရန်ကွဲပြား၊ ဤငါးပါးသည်၊
ဘုရားသာသနာ ကွယ်ကြောင်းတည်း။

၄။ ပဉ္စကနိပါတ်၊ စတုတ္ထပဏ္ဏာသ၊
ပဌမသဒ္ဓမ္မသမ္မောသသုတ်လာ
သာသနာကွယ်ကြောင်း ၅ ပါး

၁။ တရားကို ရိုသေစွာ မနာခြင်း၊

၂။ တရားကို ရိုသေစွာ မသင်ခြင်း၊

၃။ တရားကို ရိုသေစွာ မဆောင်ခြင်း၊

၄။ ဆောင်ထားသော တရား တို့၏ အနက်အဓိပ္ပါယ်ကို သိအောင် မဆင်ခြင်ခြင်း၊

၅။ တရားကို ရိုသေစွာ မကျင့်ခြင်း။

(အံ၊၂။၁၅၅။) (အံ၊မြန်၊၂။၁၉၈။)

၄။ ပဉ္စကနိပါတ်၊ စတုတ္ထပဏ္ဏာသ၊
တတိယသမ္မတ္တနိယာမသုတ်လာ
သာသနာတည်ကြောင်း တရား ၅ ပါး

၁။ တရားကို ရိုသေစွာ နာခြင်း၊

၂။ တရားကို ရိုသေစွာ သင်ခြင်း၊

၃။ တရားကို ရိုသေစွာ ဆောင်ခြင်း၊

၄။ ဆောင်ထားသော တရားတို့၏ အနက် အဓိပ္ပါယ်ကို သိအောင် ဆင်ခြင်ခြင်း၊

၅။ တရားကို ရိုသေစွာ ကျင့်ခြင်း။

(အံ၊၂။၁၅၅။) (အံ၊မြန်၊၂။၁၉၈။)

*******
ဣဓ, ဘိက္ခဝေ, ဘိက္ခူ န သက္ကစ္စံ ဓမ္မံ သုဏန္တိ,
န သက္ကစ္စံ ဓမ္မံ ပရိယာပုဏန္တိ,
န သက္ကစ္စံ ဓမ္မံ ဓာရေန္တိ,
န သက္ကစ္စံ ဓာတာနံ ဓမ္မာနံ အတ္ထံ ဥပပရိက္ခန္တိ,
န သက္ကစ္စံ အတ္ထမညာယ ဓမ္မမညာယ ဓမ္မာနုဓမ္မံ ပဋိပဇ္ဇန္တိ။

သက္ကစ္စံ ဓမ္မံ သုဏန္တိ,
သက္ကစ္စံ ဓမ္မံ ပရိယာပုဏန္တိ,
သက္ကစ္စံ ဓမ္မံ ဓာရေန္တိ,
သက္ကစ္စံ ဓာတာနံ ဓမ္မာနံ အတ္ထံ ဥပပရိက္ခန္တိ,
သက္ကစ္စံ အတ္ထမညာယ ဓမ္မမညာယ ဓမ္မာနုဓမ္မံ ပဋိပဇ္ဇန္တိ။
#########
အဂုၤတ္တိုရ်အလင်းအိမ်