၅း ၄း ၁း ၇။ ပဉ္စကနိပါတ်၊ စတုတ္ထပဏ္ဏာသ၊ သဒ္ဓမ္မဝဂ် ၊ ဒုက္ကထာသုတ်လာ မကောင်းသော စကား ၅ မျိုးနှင့် ကောင်းသော စကား ၅ မျိုး

၅း ၄း ၁း ၇။ ပဉ္စကနိပါတ်၊ စတုတ္ထပဏ္ဏာသ၊ သဒ္ဓမ္မဝဂ် ၊ ဒုက္ကထာသုတ်လာ
မကောင်းသော စကား ၅ မျိုးနှင့်
ကောင်းသော စကား ၅ မျိုး

သဒ္ဓါ-သီလ၊ များသုတနှှင့်၊
စာဂ-ပညာ၊ မရှိမှာ၊
ပြောတာ ဒုက္ကထာ။

၇။ ပဉ္စကနိပါတ်၊ စတုတ္ထပဏ္ဏာသ၊
ဒုက္ကထာသုတ်လာ
မကောင်းသော စကား ၅ မျိုး

၁။ သဒ္ဓါတရားမရှိသော ပုဂ္ဂိုလ်အတွက် သဒ္ဓါတရားနှင့် စပ်သော စကားသည် မကောင်း၊

၂။ သီလမရှိသော ပုဂ္ဂိုလ်အတွက် သီလနှင့် စပ်သော စကားသည် မကောင်း၊

၃။ အကြားအမြင်နည်းသော သူအတွက် အကြားအမြင်များမှုနှင့် စပ်သော စကားသည် မကောင်း၊

၄။ နှမြောဝန်တိုသော သူအတွက် စွန့်ကြဲပေးကမ်းမှုနှင့် စပ်သော စကားသည် မကောင်း၊

၅။ ပညာမရှိသော သူအား ပညာနှင့် စပ်သော စကားသည် မကောင်း။

(အံ၊၂။၁၅၉။) (အံ၊မြန်၊၂။၂၀၃။)

ကောင်းသော စကား ၅ မျိုး

၁။ သဒ္ဓါတရားရှိသော သူအတွက် သဒ္ဓါတရားနှင့် စပ်သော စကားသည် ကောင်း၏၊

၂။ သီလရှိသော သူအတွက် သီလနှင့် စပ်သော စကားသည် ကောင်း၏၊

၃။ အကြား အမြင်များသော သူအတွက် အကြားအမြင်များမှုနှင့် စပ်သော စကားသည် ကောင်း၏၊

၄။ စွန့်ကြဲပေးကမ်းလေ့ရှိသော သူအတွက် စွန့်ကြဲမှုနှင့် စပ်သော စကားသည် ကောင်း၏၊

၅။ ပညာရှိသော သူအတွက် ပညာနှင့်စပ်သော စကားသည် ကောင်း၏။

(အံ၊၂။၁၆၀။) (အံ၊မြန်၊၂။၂၀၅။)
*******
အဿဒ္ဓဿ, ဘိက္ခဝေ, သဒ္ဓါကထာ ဒုက္ကထာ၊
ဒုဿီလဿ သီလကထာ ဒုက္ကထာ၊
အပ္ပဿုတဿ ဗာဟုသစ္စကထာ ဒုက္ကထာ၊
မစ္ဆရိဿ စာဂကထာ ဒုက္ကထာ၊
ဒုပ္ပညဿ ပညာကထာ ဒုက္ကထာ။

ကသ္မာ စ, ဘိက္ခဝေ, အဿဒ္ဓဿ သဒ္ဓါကထာ ဒုက္ကထာ?
အဿဒ္ဓေါ, ဘိက္ခဝေ, သဒ္ဓါကထာယ ကစ္ဆမာနာယ အဘိသဇ္ဇတိ ကုပ္ပတိ ဗျာပဇ္ဇတိ ပတိတ္ထီယတိ ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ။ တံ ကိဿ ဟေတု? တဉှိ သော, ဘိက္ခဝေ, သဒ္ဓါသမ္ပဒံ အတ္တနိ န သမနုပဿတိ [န သမ္ပဿတိ (သီ။)], န စ လဘတိ တတောနိဒါနံ ပီတိပါမောဇ္ဇံ။ တသ္မာ အဿဒ္ဓဿ သဒ္ဓါကထာ ဒုက္ကထာ။

ဒုဿီလော, ဘိက္ခဝေ, သီလကထာယ ကစ္ဆမာနာယ အဘိသဇ္ဇတိ ကုပ္ပတိ ဗျာပဇ္ဇတိ ပတိတ္ထီယတိ ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ။ တံ ကိဿ ဟေတု? တဉှိ သော, ဘိက္ခဝေ, သီလသမ္ပဒံ အတ္တနိ န သမနုပဿတိ န စ လဘတိ တတောနိဒါနံ ပီတိပါမောဇ္ဇံ။ တသ္မာ ဒုဿီလဿ သီလကထာ ဒုက္ကထာ။

အပ္ပဿုတော, ဘိက္ခဝေ, ဗာဟုသစ္စကထာယ ကစ္ဆမာနာယ အဘိသဇ္ဇတိ ကုပ္ပတိ ဗျာပဇ္ဇတိ ပတိတ္ထီယတိ ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ။ တံ ကိဿ ဟေတု? တဉှိ သော, ဘိက္ခဝေ, သုတသမ္ပဒံ အတ္တနိ န သမနုပဿတိ, န စ လဘတိ တတောနိဒါနံ ပီတိပါမောဇ္ဇံ။ တသ္မာ အပ္ပဿုတဿ ဗာဟုသစ္စကထာ ဒုက္ကထာ။

မစ္ဆရီ, ဘိက္ခဝေ, စာဂကထာယ ကစ္ဆမာနာယ အဘိသဇ္ဇတိ ကုပ္ပတိ ဗျာပဇ္ဇတိ ပတိတ္ထီယတိ ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ။ တံ ကိဿ ဟေတု? တဉှိ သော, ဘိက္ခဝေ, စာဂသမ္ပဒံ အတ္တနိ န သမနုပဿတိ န စ လဘတိ တတောနိဒါနံ ပီတိပါမောဇ္ဇံ။ တသ္မာ မစ္ဆရိဿ စာဂကထာ ဒုက္ကထာ။

ဒုပ္ပညော, ဘိက္ခဝေ, ပညာကထာယ ကစ္ဆမာနာယ အဘိသဇ္ဇတိ ကုပ္ပတိ ဗျာပဇ္ဇတိ ပတိတ္ထီယတိ ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ။ တံ ကိဿ ဟေတု? တဉှိ သော, ဘိက္ခဝေ, ပညာသမ္ပဒံ အတ္တနိ န သမနုပဿတိ, န စ လဘတိ တတောနိဒါနံ ပီတိပါမောဇ္ဇံ။ တသ္မာ ဒုပ္ပညဿ ပညာကထာ ဒုက္ကထာ။
*******
သဒ္ဓဿ, ဘိက္ခဝေ, သဒ္ဓါကထာ သုကထာ၊
သီလဝတော သီလကထာ သုကထာ၊
ဗဟုဿုတဿ ဗာဟုသစ္စကထာ သုကထာ၊
စာဂဝတော စာဂကထာ သုကထာ၊ ပညဝတော ပညာကထာ သုကထာ။

သဒ္ဓေါ, ဘိက္ခဝေ, သဒ္ဓါကထာယ ကစ္ဆမာနာယ နာဘိသဇ္ဇတိ န ကုပ္ပတိ န ဗျာပဇ္ဇတိ န ပတိတ္ထီယတိ န ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ။ တံ ကိဿ ဟေတု? တဉှိ သော, ဘိက္ခဝေ, သဒ္ဓါသမ္ပဒံ အတ္တနိ သမနုပဿတိ လဘတိ စ တတောနိဒါနံ ပီတိပါမောဇ္ဇံ။ တသ္မာ သဒ္ဓဿ သဒ္ဓါကထာ သုကထာ။

သီလဝါ, ဘိက္ခဝေ, သီလကထာယ ကစ္ဆမာနာယ နာဘိသဇ္ဇတိ န ကုပ္ပတိ န ဗျာပဇ္ဇတိ န ပတိတ္ထီယတိ န ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ။ တံ ကိဿ ဟေတု? တဉှိ သော, ဘိက္ခဝေ, သီလသမ္ပဒံ အတ္တနိ သမနုပဿတိ, လဘတိ စ တတောနိဒါနံ ပီတိပါမောဇ္ဇံ။ တသ္မာ သီလဝတော သီလကထာ သုကထာ။

ဗဟုဿုတော, ဘိက္ခဝေ, ဗာဟုသစ္စကထာယ ကစ္ဆမာနာယ နာဘိသဇ္ဇတိ န ကုပ္ပတိ န ဗျာပဇ္ဇတိ န ပတိတ္ထီယတိ န ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ။ တံ ကိဿ ဟေတု? တဉှိ သော, ဘိက္ခဝေ, သုတသမ္ပဒံ အတ္တနိ သမနုပဿတိ, လဘတိ စ တတောနိဒါနံ ပီတိပါမောဇ္ဇံ။ တသ္မာ ဗဟုဿုတဿ ဗာဟုသစ္စကထာ သုကထာ။

စာဂဝါ, ဘိက္ခဝေ, စာဂကထာယ ကစ္ဆမာနာယ နာဘိသဇ္ဇတိ န ကုပ္ပတိ န ဗျာပဇ္ဇတိ န ပတိတ္ထီယတိ န ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ။ တံ ကိဿ ဟေတု? တဉှိ သော, ဘိက္ခဝေ, စာဂသမ္ပဒံ အတ္တနိ သမနုပဿတိ, လဘတိ စ တတောနိဒါနံ ပီတိပါမောဇ္ဇံ။ တသ္မာ စာဂဝတော စာဂကထာ သုကထာ။

ပညဝါ, ဘိက္ခဝေ, ပညာကထာယ ကစ္ဆမာနာယ နာဘိသဇ္ဇတိ န ကုပ္ပတိ န ဗျာပဇ္ဇတိ န ပတိတ္ထီယတိ န ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ။ တံ ကိဿ ဟေတု? တဉှိ သော, ဘိက္ခဝေ, ပညာသမ္ပဒံ အတ္တနိ သမနုပဿတိ လဘတိ စ တတောနိဒါနံ ပီတိပါမောဇ္ဇံ။ တသ္မာ ပညဝတော ပညာကထာ သုကထာ။ ဣမေသံ ခေါ, ဘိက္ခဝေ, ပဉ္စန္နံ ပုဂ္ဂလာနံ ကထာ သုကထာ ပုဂ္ဂလေ ပုဂ္ဂလံ ဥပနိဓာယာ’’တိ။
#########
အဂုၤတ္တိုရ်အလင်းအိမ်