၅း၄း၂း၁၀။ ပဉ္စကနိပါတ်၊ စတုတ္ထပဏ္ဏာသ၊ အရှင်အာနန္ဒာက အရှင်ဘဒ္ဒဇိအား မေးသောအမြတ်မေးခွန်း ၅ မျိုး အရှင်ဘဒ္ဒဇိ ဖြေသော အမြတ်တရား ၅ မျိုး အရှင်အာနန္ဒာ ဟောသော အမြတ်တရား ၅ မျိုး

၅း၄း၂း၁၀။ ပဉ္စကနိပါတ်၊ စတုတ္ထပဏ္ဏာသ၊
အရှင်အာနန္ဒာက အရှင်ဘဒ္ဒဇိအား
မေးသောအမြတ်မေးခွန်း ၅ မျိုး
အရှင်ဘဒ္ဒဇိ ဖြေသော အမြတ်တရား ၅ မျိုး
အရှင်အာနန္ဒာ ဟောသော အမြတ်တရား ၅ မျိုး

ကောသမ္ဗိပြည် ဃောသိတာရုံကျောင်း၌ အရှင်အာနန္ဒာက အရှင်ဘဒ္ဒဇိအား မေးသောအမြတ်မေးခွန်း ၅ မျိုး

မြင်-ကြား-ချမ်းသာ၊ နောက်သညာ၊
ဘဝါ ဘာမြတ်လဲ။

‘‘ကိံ နု ခေါ, အာဝုသော ဘဒ္ဒဇိ,
ဒဿနာနံ အဂ္ဂံ,
ကိံ သဝနာနံ အဂ္ဂံ,
ကိံ သုခါနံ အဂ္ဂံ,
ကိံ သညာနံ အဂ္ဂံ,
ကိံ ဘဝါနံ အဂ္ဂ’’န္တိ?

အရှင်အာနန္ဒာ၏ အမေးကို အရှင်ဘဒ္ဒဇိ ဖြေသော အမြတ်တရား ၅ မျိုး

မဟာဗြဟ္မာ၊ မြင်ခွင့်သာ၊
ကြားရာ အာဘဿရာ။
သုဘကိဏှာ၊ ဈာန်ချမ်းသာ၊
သညာ အာကိဉ္စာ။
နေဝသညာ၊ ဘဝပါ၊
ငါးဖြာ မြတ်သည်သာ။

‘‘အတ္ထာဝုသော, ဗြဟ္မာ အဘိဘူ အနဘိဘူတော အညဒတ္ထုဒသော ဝသဝတ္တီ, ယော တံ ဗြဟ္မာနံ ပဿတိ, ဣဒံ ဒဿနာနံ အဂ္ဂံ။

အတ္ထာဝုသော, အာဘဿရာ နာမ ဒေဝါ သုခေန အဘိသန္နာ ပရိသန္နာ။ တေ ကဒါစိ ကရဟစိ ဥဒါနံ ဥဒါနေန္တိ – ‘အဟော သုခံ, အဟော သုခ’န္တိ! ယော တံ သဒ္ဒံ သုဏာတိ, ဣဒံ သဝနာနံ အဂ္ဂံ။

အတ္ထာဝုသော, သုဘကိဏှာ နာမ ဒေဝါ။ တေ သန္တံယေဝ တုသိတာ သုခံ ပဋိဝေဒေန္တိ, ဣဒံ သုခါနံ အဂ္ဂံ။

အတ္ထာဝုသော, အာကိဉ္စညာယတနူပဂါ ဒေဝါ, ဣဒံ သညာနံ အဂ္ဂံ။

အတ္ထာဝုသော, နေဝသညာနာသညာယတနူပဂါ ဒေဝါ, ဣဒံ ဘဝါနံ အဂ္ဂ’’န္တိ။
‘‘သမေတိ ခေါ ဣဒံ အာယသ္မတော ဘဒ္ဒဇိဿ, ယဒိဒံ ဗဟုနာ ဇနေနာ’’တိ?

အရှင်အာနန္ဒာက အရှင်ဘဒ္ဒဇိအား ဟောသော အမြတ်တရား ၅ မျိုး

မြင်-ကြား-ချမ်းသာ၊ နောက်သညာ၊
ဘဝါ ငါးနေရာ။
ထို၏နောက်မှာ၊ မြတ်ဖိုလ်လာ၊
ခေါ်ပါ မြတ်ဆုံးတရား။

‘‘အာယသ္မာ ခေါ, အာနန္ဒော, ဗဟုဿုတော။ ပဋိဘာတု အာယသ္မန္တံယေဝ အာနန္ဒ’’န္တိ။

‘‘ယထာ ပဿတော ခေါ, အာဝုသော, အနန္တရာ အာသဝါနံ ခယော ဟောတိ, ဣဒံ ဒဿနာနံ အဂ္ဂံ။

ယထာ သုဏတော အနန္တရာ အာသဝါနံ ခယော ဟောတိ, ဣဒံ သဝနာနံ အဂ္ဂံ။

ယထာ သုခိတဿ အနန္တရာ အာသဝါနံ ခယော ဟောတိ, ဣဒံ သုခါနံ အဂ္ဂံ။

ယထာ သညိဿ အနန္တရာ အာသဝါနံ ခယော ဟောတိ, ဣဒံ သညာနံ အဂ္ဂံ။

ယထာ ဘူတဿ အနန္တရာ အာသဝါနံ ခယော ဟောတိ, ဣဒံ ဘဝါနံ အဂ္ဂ’’န္တိ။
######
အင်္ဂုတ္တိုရ်အလင်းအိမ်